© XOT.MN 2011-2020
9-р сарын 25, Баасан
Улаанбаатар хот
Улс төр

БНХАУ-ын Гадаад хэргийн сайд Ван И өнөөдөр төрийн өндөрлөгүүдэд бараалхана

БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И манай улсад айлчилж байна.

Тэрбээр өнөөдөр үдээс өмнө Ерөнхийлөгч Х.Баттулга, Ерөнхий сайд У.Хүрэлсүх, УИХ-ын дарга Г.Занданшатар нарт бараалхана.

Хятадын Гадаад хэргийн сайдын айлчлал өнөөдөр өндөрлөнө. Өчигдөр хоёр улсын гадаад харилцааны сайд нар хэлэлцээ хийсэн билээ. 

Уг хэлэлцээний үеэр Монгол, Хятадын Иж бүрэн стратегийн түншлэлийн харилцааг бэхжүүлэх, улс төрийн итгэлцлийг гүнзгийрүүлэх, бүх салбарын хамтын ажиллагааг урагшлуулах болон бүс нутаг, олон улсын харилцааны холбогдолтой өргөн хүрээний асуудлаар ярилцаж, олон асуудлаар тохиролцоонд хүрчээ.

“Монгол, Хятадын хилийн боомт, тэдгээрийн дэглэмийн тухай хэлэлцээр”-т нэмэлт, өөрчлөлт оруулснаар  Замын-Үүд – Эрээн төмөр замын боомтоос гадна Гашуунсухайт-Ганцмод, Шивээхүрэн-Сэхээ, Бичигт-Зүүнхатавч гэсэн гурван төмөр замын боомт нээгдэж байна.

Айлчлалын хүрээнд  дараах баримт бичгүүдэд гарын үсэг зурж, баталгаажуулсан.

  • “Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, БНХАУ-ын Засгийн газар хоорондын хэлэлцээр”-т нэмэлт, өөрчлөлт оруулах тухай ноот бичиг”
  • Эдийн засаг, техникийн хамтын ажиллагааны тухай Засгийн газар хоорондын хэлэлцээр
  • Гадаад харилцааны яам хоорондын 2021-2022 оны хамтран ажиллах төлөвлөгөө
  • Монгол Улсаас БНХАУ-д гурил экспортлох үеийн хяналт шалгалт, хорио цээрийн шаардлагын тухай Монгол Улсын Мэргэжлийн хяналтын ерөнхий газар болон БНХАУ-ын Гаалийн ерөнхий газар хоорондын Протокол зэрэг юм. 
 
 
Шинэ мэдээ
Их уншсан
Цаг агаар дуудаж байна...
цааш үзэх
Уншиж байна ..