Дүүргийн хэмжээнд утаа, агаар орчны бохирдлыг бууруулах ажлыг бодит болгож, үр дүнгээ хүртэх зорилготой "Дулаалъя" хоёрдугаар аянаа эхлүүлсэн билээ.
Энэ хүрээнд НҮБ-ын
UNICEF Mongolia аянд нэгдэж, нүүрс шахмал түлшний хэрэглээг багасган өвлийг өнтэй давах монгол гэрийн Чип төслийн хүрээнд хамтран ажиллах санамж бичигт гарын үсэг зурлаа. Санамж бичгийн дагуу дүүргийн монгол гэрт амьдардаг айл өрхүүдийг Чип багцаар дулаалж, түлээ түлшний хэрэглээг бууруулан хийн халаагуурт шилжүүлэхэд бэлдэх юм.
Монгол гэрийн Чип багц нь монгол гэрийн бүтэц, хэлбэрийг өөрчлөлгүйгээр дулаан их алддаг хэсгүүдийг битүүмжлэн сайжруулж, нүүрсээр галладаг уламжлалт зуухны хэрэглээг эрчим хүчний хэмнэлттэй цахилгаан халаалтын системээр солиход зориулагдсан юм. Судалгаагаар Чип багцыг хэрэглэдэг айл өрхүүд сар бүр дунджаар нүүрс, түлээ, цахилгаан болон эрүүл мэндтэй холбоотой 275,000 төгрөгийг хэмнэж чаддаг нь батлагдсан билээ.
