УИХ-ын чуулганы нэгдсэн хуралдаанаар 2024 оны ээлжит Сонгуулийн тойрог байгуулах тойргийн мандатын тоо, дугаар, нутаг дэвсгэрийн төвийг тогтоох тухай тогтоолын төслийг хэлэлцэж байна.
УИХ-ЫН ГИШҮҮН Ц.ТУВААН:
Сонгууль Баасан гарагт болж байгаа нь сонгуулийн ирц буурах вий. УИХ-ын дарга онцгой анхааралдаа авах хэрэгтэй. Сонгогчдын нэрсийг бүртгэх асуудал дээр анхаармаар байна. Улсын бүртгэлийнхэн будлиантай. Өөрсдийнхөө дураар болон улстөржсөн өнцгөөс асуудалд ханддаг. Сонгогчдын нэрсийг бүртгэх Сонгуулийн дэд хороогоор бүх асуудлыг шийдүүлмээргүй байна. Сонгуулийг зөв шударга, хар сэргүй явуулах гэж байгаа бол бүртгэлийн асуудал дээрх гаргалгаагаа хэл. Дэд хороог яаж ажиллах хүчээр хангаж, туслах гэж байгаа юм гэдгийг асуумаар байна.
